Description
Kynnist leiðbeinundunum:
Davíð Alexander er tveggja barna faðir sem hefur áhuga á nokkurnveginn öllu. Hann hefur lokið grunnnámi í uppeldis- og menntunarfræði/mannfræði og stundar nú nám í foreldrafræðslu og uppeldisráðgjöf á meistarastigi. Undanfarið hefur ástríða hans hvað helst kristallast í samskiptum foreldra og barna, virðingarríku uppeldi, sjálfræði og einstaklingsmiðun í menntun, núvitund og jákvæðri sálfræði, samvinnuuppeldi foreldra og tilhögunarmálum barna sem búa á tveimur heimilum. Rauði þráðurinn í gegnum allt ofangreint er alltaf velferð og vellíðan viðkomandi aðila og beiting aðferða sem stuðla að heilnæmum þroska einstaklingsins sem og fjölskyldunnar í heild sinni. Davíð nýtir eðlislæga forvitni sína sem drifkraft til þess að vinna með einstaklingum og/eða fjölskyldum sem hafa hug á því að eflast á tilteknu sviði með það að leiðarljósi að ná sem heillavænlegustum árangri.
Elsa Borg er þriggja dætra móðir, Jógakennari og meistaranemi í Foreldrafræðslu og uppeldisráðgjöf við HÍ. Hún er með BA í Uppeldis- og menntunarfræðum. Elsa hefur einnig mikla reynslu af starfi með börnum. Elsa hefur setið ýmis hagnýt námskeið m.a í ígrundaðar samræður forelda, í doulunámi, Yin yogakennaranámi, í raunfærnimati og vinnustofur í sjálfsvinsemd.
Elsa hefur ástríðu fyrir því að skapa rými fyrir uppalendur þar sem þeir fá tækifæri til að efla sig, styðja við hvort annað og læra hvort af öðru. Rými fyrir uppalendur að hlúa að sjálfum sér, samböndum sínum við börn sín og fjölskyldu.