Kjarni Þorpsins tengslasetur er Co-Creator samfélagið sem er fullt af skapandi og ástríðufullum einstaklingum sem trúa á heilbrigðara samfélag. Þeir vilja leggja sitt af mörkum með því að lifa í takt við sína ástríðu og deila einstakri sýn og hæfileikum með börnum og fjölskyldum þeirra.

Davíð Ostergaard er tveggja barna faðir sem hefur áhuga á nokkurnveginn öllu. Hann hefur lokið grunnnámi í uppeldis- og menntunarfræði/mannfræði og stundar nú nám í foreldrafræðslu og uppeldisráðgjöf á meistarastigi. Undanfarið hefur ástríða hans hvað helst kristallast í samskiptum foreldra og barna, virðingarríku uppeldi, sjálfræði og einstaklingsmiðun í menntun, núvitund og jákvæðri sálfræði, samvinnuuppeldi foreldra og tilhögunarmálum barna sem búa á tveimur heimilum. Rauði þráðurinn í gegnum allt ofangreint er alltaf velferð og vellíðan viðkomandi aðila og beiting aðferða sem stuðla að heilnæmum þroska einstaklingsins sem og fjölskyldunnar í heild sinni.Davíð nýtir eðlislæga forvitni sína sem drifkraft til þess að vinna með einstaklingum og/eða fjölskyldum sem hafa hug á því að eflast á tilteknu sviði með það að leiðarljósi að ná sem heillavænlegustum árangri.

Hulda Margrét Brynjarsdóttir er tveggja barna móðir og var heimavinnandi húsmóðir með börnin sín til 3ja og 5 ára.  Hún brennur fyrir geðheilsumálum barna og ungmenna, hefur kafað djúpt í virðingarrík uppeldisfræði, meðvitað uppeldi og m.a. klárað grunnnámskeið hjá RIE Institute of America þess efnis.  Hulda vill leggja sitt af mörkum við að aðstoða foreldra í að innleiða virðingarríkt uppeldi og hefur sérstakan áhuga á forvörnum sem og heimakennslu barna á leikskólaaldri (e. homeschooling/unschooling).    Hún situr nú í stjórn samtakanna Fyrstu Fimm sem berjast fyrir bættari barnamenningu á Íslandi og auknum valmöguleikum fyrir ungbarnafjölskyldur.      „Traust geðtengsl við umönnunaraðila eru allra besta veganesti sem börn geta fengið út í lífið og því besta forvörnin.  Stór partur af því er að foreldri nái að vinna úr eigin reynslu og heila særða parta úr æsku – sem virðingarríkt uppeldi hvetur ósjálfrátt til“. Hún mun deila sínu ljósi m.a. með RIE námskeiðum og hópatímum fyrir foreldra barna 0-3ja ára og fyrirlestrum um virðingarríkt uppeldi. 

Elsa er Meistaranemi í Foreldrafræðslu og uppeldisráðgjöf við HÍ. Hún er með BA í Uppeldis- og menntunarfræðum. Elsa hefur einnig mikla reynslu af starfi með börnum. Elsa er einn stofnanda Foreldrafræðsla.is. Hún hefur setið ýmis hagnýt námskeið m.a í ígrundaðar samræður foreldra, í doulunámi, Yin jógakennaranámi, í raunfærnimati og vinnustofur í sjálfsvinsemd.
Þegar Elsa varð foreldri varð henni fljótt ljóst að velferð barna veltur að mestu leyti á velferð, þekkingu og reynslu uppalenda þeirra. Hún hefur því lengi haft ástríðu fyrir því að skapa vettvang þar sem uppalendur hafa tækifæri til að afla sér þekkingar um uppeldi, styðja við hvort annað og læra hvort af öðru. Vettvang þar sem möguleikar eru fyrir uppalendur að hlúa að sjálfum sér, samböndum sínum við börn sín og fjölskyldu. Elsa sér fyrir sér að bjóða upp á námskeið, vinnustofur o.f.l í Þorpinu.

Halldóra Birta er tveggja barna móðir sem er að klára BA í félagsráðgjöf við Háskóla Íslands auk þess að hafa margra ára reynslu af því að vinna hjá Reykjavíkurborg með fötluðum ungmennum.Síðustu ár hefur hún lokið ýmsum námskeiðum og tileinkað sér víðamikla reynslu og þekkingu þegar kemur að taugakerfinu, hugrænni atferlismeðferð, áföllum, streitu og fleiru. Halldóra Birta hefur sérstaklega mikinn áhuga á foreldra kulnun, eða parental burnout, og því hvernig hægt væri að auka stuðning og úrræði fyrir þá foreldra sem annaðhvort eru komnir í burnout eða stefna þangað en síðastliðin ár hefur orðið stóraukning í foreldra kulnun og eru þeir sem annað hvort hafa lítinn stuðning eða bakland og svo foreldra barna með langvarandi vanda þar fremstir í flokki. Eftir að hafa séð hversu mikil vöntun er á úrræðum og stuðningi fyrir þennan hóp stofnaði hún Neistasmiðjuna og stefnir að því að bjóða upp á námskeið og workshop sem munu aðallega leitast við að styðja og styrkja foreldra í foreldrahlutverkinu og aðstoða við jákvæða tengslamyndun á milli foreldra og barna.

 

 

 

Patrycja Bączek  is a dancer and mover, dance teacher, Pilates Core – medical training – instructor, Tónagull – music class – teacher, Dance/Movement Therapist in training, creator of Creative Movement for Families. She loves to learn and use expressive arts in my daily life and in my work.  Patrycja is hosting courses and classes in Þorpið for parents and kids together that focus on movement, music and sensory awareness through play. 

Shelby Morgan is a M.Ed, CAS, Guidance Counselor. Shelby loves to learn new things and has a special interest in parental communication, Autism education and infant development.
Shelby has a B.Sc in Human Development and Family Studies from Texas Tech University as well as a M.Ed in Guidance and Counseling from Angelo State University and has a leyfisbref in náms og-starfráðgjafi, in addition Shelby has completed one year of the M.Ed program of Special Education Teaching at University of Iceland and is currently on her last year of Applied Behavioral Analysis program at HR to become a Board Certified Behavioral Analysis (Atferlisþjálfi). She is a Certified Autism Specialist, and has worked in departments for children with autism and special education for many years from leikskóli to 10th grade, with a wide range of abilities.

Snorri er á lokastigi i mastersnámi í listkennslu. Við nám í vöruhönnun lagði hann áherslu á samfélagslega hönnun með rannsóknum á nátturumeðferðum og núverandi skjáumhverfi barna í samhengi við innsetningar fyrir upplifanir barna. Hvernig skal hlúa að þroska þeirra í því samfélagi sem þau búa í, í gegnum listir og leik? Hann hefur meira en áratugs reynslu í barnastarfi, með börnum með viðkvæman bakgrunn, ásamt í grunn og leikskólum, leikjarnámskeiðum og yoga kennslu fyrir börn. Snorri brennur fyrir tengingu í gegnum leikinn. Við lærdóminn sem á sér stað frá leikgleði, samvinnu og trausti, enda telur hann mesta lærdóminn eiga sér stað frá börnum sem miðla í samhengi leiksins.

Íris Dögg er sannkallaður barnahvíslari en hún hefur áratuga reynslu af starfi með börnum. Hún leggur mikla áherslu á að komið sé fram við börn eins og þau eiga skilið, að orðræðan í þeirra garð sé virðingarík og á þann hátt sem er hvetjandi fyrir virkt nám þeirra.Íris starfar sem aðstoðarleikskólastjóri á leiksólanum Mánagarði. Þar sér hún m.a. Um að innleiða High-Scope stefnuna sem hjarta hennar slær í takt við.High Socpe er stefna sem byggir á þeirri sýn að börn séu virkir þátttakendur og þau geti fylgt eftir persónulegum áhugamálum sínum.Meginmarkmiðið er að auka færni barna við að leita lausna og styrkja sjálfstæða hugsun þeirra.Hlý og vinaleg samskipti sem einkennast af virðingu, ýta undir og efla alhliða þroska barnsins samkvæmt stefnunni.

Sóley Meyer er móðir og lögfræðingur að mennt. Henni þykir mikilvægt að virða börn sem hæfa einstaklinga allt frá ungbarnaaldri. Hún hefur mikinn áhuga á Montessori aðferðinni og styðst við þá aðferð í uppeldi dóttur sinnar til þess að efla sjálfstæði hennar og bjóða henni að vera virkur þátttakandi á heimilinu, meðal annars með því að setja upp aðgengilegt umhverfi fyrir hana. Hún hefur einnig mikinn áhuga á Elimination Communication (koppanotkun ungbarna) og heillaðist af þeirri aðferð að bjóða ungabörnum á kopppinn þegar þau sýna merki þess að þurfa að gera þarfir sínar. Hún byrjaði að bjóða dóttur sinni á koppinn frá því hún var 3. mánaða og nokkrum mánðum seinna var hún hætt að nota bleyjur á daginn. Þá hefur hún einnig notast við tákn með tali með dóttur sinni frá því hún var ungabarn sem hjálpaði henni að tjá sig, sérstaklega áður en hún byrjaði að tala. Þessar aðferðir hafa einfaldað mikið í uppeldinu hjá fjölskyldunni. Sóley ætlar að deila þeim fróðleik sem hún hefur sankað að sér, ásamt eigin reynslu, með þeim sem sækja tíma hennar í Þorpinu svo áhugasamir foreldrar geti notið góð af eins og hún og hennar fjölskylda hafa gert.

Perla Hafþórsdóttir er nemi í Uppeldis- og menntunarfræði. Hún brennur fyrir uppeldi og að skapa tækifæri fyrir börn til að tjá sig með fjölbreyttum leiðum. Hún er móðir sem hefur starfað sem deildarstjóri í leikskóla, skrifað greinar um uppeldi og heldur úti hlaðvarpinu Virðing í uppeldi ásamt fleiri góðum konum. Perla hefur trú á að börn geti tjáð sig í gegn um leik og sköpun. Þess vegna vill hún skapa tækifæri fyrir þau til að kanna efnivið með öllum skynfærum sínum, upplifa eitthvað töfrandi og virkja tjáningu með og án orða. 

Sérstakar þakkir til Siggu fyrir að sjá um heimasíðu og tæknimál Þorpsins – tengslaseturs. Sigga er móðir þriggja ára drengs og hefur lokið námi í BSc fjármálaverkfræði og brennur fyrir því að aðstoða einstaklinga í að koma sinni ástríðu á framfæri.
Ef þú vilt fá aðstoð frá Siggu hafðu þá samband á siggarun@gmail.com

Við opnum fyrir umsóknir í haust. Sendu okkur línu á tengslasetur@tengslasetur.is

Við viljum kynnast þér, hver ert þú, hvers vegna gerir þú það sem þú gerir og hver er ástríðan þín?
Hvað myndir þú vilja bjóða upp